Camry 上市

近日睇報紙發覺 Camry 和 Accord 兩款車在大賣廣告, 冇計啦, 兩款價錢和級別咁接近, 香港市場又咁細, 係要落力 Sell 先取得市場.

而在內地車市, 自從 Camry 月初上市後, 近日開始在中級車引發價格戰. 上周 Accord 在北京市場出現狂降１７０００元, 而蒙迪歐主力車型降價３４８００元, 說明中級車的價格戰正在逐步升級, 市場估計東風日產的 Teana 和大眾 Passat 好快會加入戰團. Accord 以前皇帝女唔憂嫁的風光日子一去不復回.

技術分析

技術分析在指數和股票的中長期走勢上可以起到指明燈的作用, 但對於成交并唔活躍 ,散戶較少參與的個股和創業板股份是否有類似的作用, 呢個問題一直都唔肯定.

以一直都有跟蹤開的創業板股份8199 為例 . 5月回落到3.8左右反彈 , 本月初去到4.8 最高位 , 昨日收於4.05. 由其周線觀察, RSI和 MACD 有背馳 , 是否表明未來一個月會調整 ?

東方 vs 壹傳媒

呢排報紙佬個個都話自己份報紙的讀者學歷最高, 收入和購買力高等等.

太陽就吹得最勁, 咩銷量直線上升, 讀者人數點點… 同一時間在側邊注明自己整版彩色廣告收費最平. 對廣告客戶而言, 真係咁平靚正 ? 當你在超市門口見到呢一幕: 兩三個人圍係度剪手里的報紙 , 當天有效的贈券到手后, 報紙只保留一份, 其餘買多左就丟落垃圾桶 , 你就會明白銷量是點出來的 .

東方進入了內地市場后, 似乎學會了內地習慣:重數量而輕質量 , 同時左報色彩開始濃厚. 從東方和壹傳媒近年走勢比較, 可以看出投資者的選擇 ; 在某程度上也可以看出其讀者狀況.

胡思亂想

周六之胡思亂想,

1, 講到 Busuncle.com , 唔知係 Blog 界好有名氣的 Blog 主 有冇去登記番自己的 (blog名) com, cn等等 . 俾人捷足先登, 話唔定叫價仲高過 Busuncle.com

2, 富力係北京的地盤出左事 , 欠工資和有工業意外, 搞到有關部門要富力北京所有地盤都要停工整頓 . 老友問會唔會影響股價, 咁小事 .

3, 原來比亞迪的 F3 係過去的 5 個月賣左 34000 架, 仲話供不應求. 咁計法, 半年汽車營業額有30億. 不過車賣到咁平, 賣出一架唔知賺唔賺到 5000 RMB ?

Busuncle.com

近期沸沸湯湯的巴士阿叔話題可以睇出網的威力, 唔少局外人在這件事發掘出唔少商機 , 目前叫價最高的商機不是阿叔本人, 而是 busuncle.com 個域名.

美國 Erlich Associates 係 5 /25 登記 busuncle.com

好快, 5/27 香港一位 Sze 生 (似是先生多) 登記 Busuncle.hk
6/1 香港一位 Tsang生 登記 BUSUNCLE.net

內地就迟少少, 6/ 3 日大陸一位周生登記 busuncle.cn

DotCom域名在 2000 科網吵到不得了, 最近一兩年係內地DotCn 開始興起熱潮 . CNNIC 取消左好多限制, 加上媒體的炒作, 唔少網民都樂於"投資"加入 , 不過最后賺得最多相信係最頂端的 CNNIC 及提供登記服務中國老大萬網等等.

F3

係深圳公路上看到的比亞迪 F3 外形 比其在 CCTV 廣告圖片好睇好多.

單睇外形, 好似 COLLROLA . 車尾又有 D 似 ACCORD 2.4 標準版 , 但價錢就平好多下. 經濟型是 7.4 萬人仔左右, 最高級 10 萬 , 市場評價是性價比高, 所以呢排賣得唔錯 .



F3 係05 年 12 月令其汽車業務錄得盈利. 預期今年來自汽車盈利可以達 1 億.

自編自演

每個禮拜的「老馮日記」有 D 意思 , 馮仔自編自導自演, 仲自監 (監製) , 睇黎他在編導和演戲方面有 D 才華，最主要有新鮮感和有創意.

對面台好似係有樣學樣 , 不過是有關去內地"掘金" 的. 阿曾伯自編自演左 " 3 G 廣州 xxxx " , 大談係廣州商鋪投資點點點...

曾伯不是第一次粉墨登場 , 投資左係深圳東門天下的香港人該記憶猶新吧. 依家東門天下已易名, 投資鋪位的香港投資者依家連定都未退番.

睇來曾伯係時候要改變下.

UBS vs Quam

內地公布的一系列遏抑房地產措施后 , 各大行都發表自己睇法, 但似乎一致覺得目前的宏調為投資者帶來趁低吸納的機會, 包括瑞銀 UBS.

不過林少陽就唱反調, 叫大家信一成好啦 .

留意一兩個月后邊位金錢之王跑出.